San Cristobal de las Casas

auso mir si doch de no vom strand los cho! hei aber doert am schluss jede peso muessse umchehre da uese schlau lonely planet het gseit es gaebi waechsustubene!das gits leider nuem und di naechsti bank waer wieder e haubstung entfernt gsi! so hei mr de muesse luege das mr nid zviu usgaebe dases no fuer ztaxi laengt! si no oebis vor uesere busfahrt oebis leckers ga esse und genau 10 min. bevor mr hei woeue ga hets de ou no grad afa raegne mir si auso pflotschnass ines taxi gstige! u hei naer auso nid gwuesst ob mrs i di naechsti stadt schaffe mit dem raege wueu es het huere graeget!mir hei biberet! wueu us de strasse si fluess worde! aber heiss naer doch de no sicher (dank dere liebe taxifahrerin di sehr vorsichtig gfahre isch) uese bus vuerwuetscht!si naer wieder mau ueber dnacht 12 stung im ne bus ghoket!mir hei natuerlech no cheuter ka wueu mir ja bis uf dungerhose nass si gsi!(kei angst muettere mir hei scho no trochni chleider agleit)
itz simer zsan cristobal de las casas im ne hotel wo ues nid wuerklech passt! aber mir si so voellig fertig gsi nach dr reis das mr zerstbeste hei gno!sueche itz no es angers fuer di naechste tage hie zfuerbringe! doch leider raegnets hie gloubs jede nami!mau luege wi lang das mr hie i dem rege und i dere cheuti ( auso wuerklech chaut ischs nid aber es isch uf 2000 meter und we de nassi fuess hesch wirds no schnaeu chaut) blibe!
auso mir hei uese erste wuerkleche rege erlaebt isch aber luschtig gsi und uesne maegge geits immer no beschtens(houz alaenge)
saludos y los queremos
katja, livi und ninu