Montag, 10. September, 09.15h Flughafen Mexico City

.... itschegget, katja scho waeg, mir sy ready u choeme!

bis gly ir schwiz!

Uuuiuuuiuuui.....
mir hei ues ja scho ewigsa nueme gmaeudet! isch viu passiert....

mir hei auso no es paar gmuetlichi tage in panajachel vuerbracht...naer isches mitem boot ubere lago atitlan nach san pedro gange u doert hei de ou scho manolo u migel uf ues gwartet wo ues mitem outo si cho ab hole!nachemne riese ichouf mit zaesse, bier und rum si mr de doch no am strand zocos acho!doert hei mrs ues i migel sim huesli gmuetlech gmacht! am naechste tag si no witeri kollege itroffe u mir heis ues bis am sunntig la guet ga!

am schuttmatch vo malactan gaeg san marcos (1:1, auso de spiut thun de scho eiduetig besser!schiss match gsi) hei mr de doch de no uesi nachwehe vom ganze wucheend gspuert!

mitem vou gstopfte chickenbus si mr ids chaute san marcos cho! uesi familie hei sech riesig gfroeit si hei ja ou nid gwuesst das mr choeme u si waeg dem chli ueberrascht gsi! mir hei ues doert ae ganzi wuche vuerdoerlet und heis gnosse wieder mau es chlises deheime zha (mit fernseher, warner chanel cha immer no aus!) u zmami het aus gmacht mir hei nide mau doefe abwaesche! a uesne Zuepfene wo mr bache hei und ar sigu u ninas lasagne hei si riese froeid ka! mir o aendlech wieder mau es guets brot und nid immer ds restaurant aesse!

ei tag si mr de no zxela gsi ga shoppe und i chino!mir hei ja no es chleid brucht fuer zhochzyt!hei mr de ou gfunge fuer 35 quetzales sprich 6 franke!!! sigu in rot dnina in schwarz!

mir si no 2 taeg z chichi gsi, mir si froh gsi das mr lebend wieder si hei cho! mir hei e busfahreer ka de het aeue si bus mit emne formu 1 outo zchich hets e grosse maerit wo mae aus fingt, vo tote, komische tier bis zum shampoo chame doert aus choufe! mir hei no cds woeue choufe vo calle 13 (das isch so perreo, mit texte wi luepf dis roeckli bis zum ruegge) mir si auso so a ne stang gange u hei gfragt obs di cd git. leider isch das chli id hose wueu de typ leider nume christlichi cds vuerchouft und da calle 13 nid umbedingt de zue koert! mir hei druss glehrt und luege zerst immer weli cds das si vuerchoufe!

ja und am samstig isch ja naer de zhochzyt gsi! mir hei natuerlech no e kater ka vom vordere abe hei ues aber doch de no chic gmacht und si de puenktlech am 4 ir chiuche ghokt!doert isch e 1 haub stuendige gottesdienst gsi und naer ischs witers a zfescht!isch auso wuerklech aus so gsi wi meh sechs vorsteut!aus in wiis, mit 200 luet, aesse u voraum trinke! katja ire papi, unkle, cousin u bruetsch hei auso bis am 7 am morge duere trunke!

itz si mr scho fasch uf dr heim reis! mir si huet wieder zpuerto escondido acho aber fahre huet scho witers uf acapulco!hoffe mir begaegne kem orakan oder hurikan!

ja uesi reis geit scho langsam zeaend... mir froeie ues fuer uf hei... si trotzdem chli trurig!

besos

Antigua, Panajachel....

Sooodeli, da simer mau ume.....

Um aui Soergeli u Aengscht mau offizieu z klaere:

Mir heis voeuig buschper zaeme, aes wird weder oepper usgschlosse no gits Zickenalarm. U das wird, so wie mir das xeh, ou no die raestleche 3 Wuecheli so blibe.

Dr Hurrican Dean ziiibet ueber Mexico, mir muesse auso nid luege wohaer dr Wind waeiht.

Ausooo....

Nach 4 Taeg Livingston mitemne herrleche Tag am Swimmingpool vo dae Italianos, wosech Ihre Troum vo eigertem Restaurant u Hotel verwuerklechet hei, amne Usflug nach Siete Altares (so chliiiini Wasserfaeu im Tschungu mit bis zu 8Meter toeife u schoen chuele Becki) u natuerlech viu plegere, fein aesse u Licuados trinke, so waer uese Ufenthaut ja voeuig unspektakulaer xi.... weeeenn nid ar ninu ihres portemonnaie gstohle waer worde.
iirgendsone Junge het z gfueu gha, mit aes paar komplimaent choenn mae schnaeu hurti aes portemonnaie mit 200 Quetzales abstoube. Zum Glueck heis d Companeros vo Ninu choenne reglae u zmingscht d Chartene zrueggerobere.

Uesi Reis isch miter Lancha nach Puerto Barrios u vo doert us mitem Boess nach Antigua witergange.
Z Antigua heimer hurti oeppe aes 5Tagesbudget fuer Gschaenkli uso usgaeh....Cheibe Mercado isch verhaengnisvou.

Ae churze Trip nach Monterrico a Strand u nach einisch uebernachte roetuuur nach Antigua gredi zum Doctore, ufgrund vo zimli starche Ohreschmaerze bir Katja.

Dr Gedanke, dasses gaanz ir Nechi biuegi Cowboyboots git, het ues nid locker gla u so simer am naechste Taegli nach los Pastores piugeret u heinis aui aes paar gaenggelet (s. Bild;) wouhbemerkt handagfertegti fuer oeppe 40 Fraenkli. Waeutklass!

4Stunde Chickenbus faahre, zwoei mau Umstige, uh huere aenge Strasse u raecht spektakulaere Fahrkuenst site Chauffeur, simer ufe Pick-up umgstige u waer haettis gloubt, doch no heil z Panajachel gstrandet.

Fortsetzung folgt....


Hasta luego!

Guatemala, Rucksack, Livingston

uhi mir si auso doch de no i dem Guatemala acho!isch eh uhuere reis gsi!mir hei zerst muesse e bus nae ad graenze vo mexiko. doert hei mr wieder mau muesse 15 pesos zahle um i das dorf zcho wueu si hei grad es noei museum doert errichtet u fuer das bruche si itz gaeut!mir wuesse ja genau das si das gaeut eifach i ire eiget sack hei gsteckt! naer ischs witer gange mitemne boot zum guatemaltekische ufer! bim zou hei si ues no woeue 5 dollars abchnuepfe aber mir hei se naer fuer ne quittig gfragt u de heimer de ploetzlech nuet muesse zahle! doert haet eigentlech e bus soeue warte aber het niemer gwuesst wele das fuer ues isch! heis de doch naer no usrgfunge!si aber so viu luet gsi das mr mitem lokau bus si gfahre ungerwaegs hei mr no e platte ka!das isch ou wieder no e 15 stung gange!isch aber schnaeu gange mir gloube si si scho profis im reife waechsle! hei naer no einisch bus gwaechslet u si naer aendlech zflores acho! mir hei es hotel gfunge ka aber leider sigus rucksack nueme!isch grad recht hektisch worde!si het naer mitem reisefuehrer muesse mitga und am angere bus hingenache fahre! de het zum glueck wieder mau muesse e reife flicke und dert inne isch naer ou dr rucksack vo sigu gsi! mau wieder schwein ka!i dere zyt het dnina no ihres handy itz wc gschosse das geit itz natuerlech ou nuem!
am naechst tag si mr de ou scho witers uf livingston! mir hei es hotel fuer ues! und itz simer grad so bi italiener am baedele isch eifach super!
es isch warm aber es isch bewoeukt wird aeue de no chli raegne!
besos